Türkiyə terrora və terrorizmə qarşı mübarizə aparır. Türkiyənin bu ədalətli mübarizəsi hamıya bəllidir.

Axar.az xəbər verir ki, bu sözləri Milli Məclisin gənclər və idman komitəsinin sədri, Azərbaycanın Avronest PA-da nümayəndə heyətinin rəhbəri Fuad Muradov assambleyanın siyasi komitəsindəki çıxışı zamanı deyib.

F.Muradov bildirib ki, Türkiyənin Afrində və digər bölgələrdə həyata keçirdiyi antiterror əməliyyatları zamanı sağ qalan terrorçular Azərbaycanın işğal altında olan Dağlıq Qarabağ bölgəsində və bəzi Avropa ölkələrində gizlənirlər. Sonradan onlar həmin bölgə və ölkələrdə terroru yaymaqla məşğul olurlar. Təəssüf ki, Avropa İttifaqı buna münasibət bildirmir.

F.Muradov Avronest PA-nı və digər Avropa təşkilatlarını bunu nəzərə almağa, belə hallara qarşı mübarizə aparmağa səsləyib.