İsveçrə ilə Azərbaycan arasında viza rejimi aradan qaldırıla bilər.

Bunu Azərbaycanın xarici işlər nazirinin müavini Mahmud Məmmədquliyev deyib.

M.Məmmədquliyev qeyd edib ki, İsveçrə ilə Azərbaycan arasında viza rejimi və readmissiya haqqında danışıqlar artıq başa çatıb: "Ümidvarıq ki, yaxın gələcəkdə bu sənədlər imzalanacaq və ratifikasiya olunacaq. Bu proses başa çatdıqdan sonra, diplomatik və xidməti pasport sahibləri vizasız gedib-gələcək".

Onun sözlərinə görə, adi vətəndaşlar üçün isə viza sənədlərinin sayı və viza rüsumunun məbləği azaldılacaq.

"Gələcəkdə isə ümumiyyətlə vizaların aradan qaldırılması məsələsinə də gələ bilərik", - deyə nazir müavini qeyd edib.

M.Məmmədquliyev əlavə edib ki, hazırda 240 azərbaycanlı tələbə İsveçrə universitetlərində təhsil alır ki, bunların da 70-i dövlət proqramı çərçivəsində göndərilib.

APA