Ermənistanın Müdafiə Nazirinin müavini İrəvandakı xarici ölkə səfirliklərinin hərbi attaşelərini təcili iclasa çağırıb.

Axar.az xəbər verir ki, bu barədə informasiyanı Ermənistan mətbuatı yayıb. Mətbuat David Tonoyanın bu addımı atmaqda əsas məqsədinin hərbi attaşelərə Azərbaycanın təmas xəttində fəaliyyəti ilə bağlı real məlumatları həmkarları ilə bölüşməkdən ibarət olduğunu deyib. Onun hərbi attaşelərdən öz əlaqələri vasitəsilə Bakıya təsir etmələrini rica etdiyi bildirilib.

Mətbuat generalın bu görüşünün bu gün Azərbaycanla Ermənistan arasında olan intensiv atışmadan dərhal sonra həyata keçirildiyini yazıb.