Ana səhifə Gündəm |
"Ana, şəhid olsam, ağlama, əyilmə. Təki Vətən sağ olsun".
Axar.az xəbər verir ki, bu sözləri ölümündən 3-4 saat əvvəl Tovuzun Aşağı Öysüzlü kəndindən olan şəhid əsgərimiz Vüqar Poladov anası ilə telefonla danışarkən deyib.
Anası da öz növbəsində oğluna ehtiyatlı olmağı tapşırıb: "Oğul, ehtiyatlı ol, sənə bir şey olsa, mən nə edərəm?". Qəhrəman əsgərimiz belə cavab verib: "Ay ana, məndən də yaxşı oğullar torpaqlarımız uğrunda şəhid olub. Torpaqlarımızı işğaldan azad etməliyik. Vətən üçün, torpaqlarımız üçün şəhid olsam, ağlama, başını dik tut! Çünki şəhid kimi ölmək şərəfdir".
Feysbuk səhifəsində yer alan məlumatlara görə, bundan sonra bacısı ilə telefonla danışan əsgər bacısına valideynlərini tapşırıb: "Şəhid olsam, əyilməyin, qürur duyun və anamla atama yaxşı baxın".
Xatırladaq ki, şəhid əsgər Vüqar Poladovun nəşi bu gün səhər saatlarında doğulduğu kənddə torpağa tapşırılıb.
Tarix
2014.08.02 / 13:43
|
Müəllif
Nilufər Muğantürk
|