"Cəbhədə baş verən atışmalarda Ermənistan tərəfinin itkiləri qat-qat çoxdur".

Bu barədə Axar.az-a açıqlamasında Tərxis Olunmuş Hərbçilərin Gəncləri Maarifləndirmə İctimai Birliyinin (TOHGMİB) sədri Emin Həsənli bildirib.

Hərbi ekspertin sözlərinə görə, Ermənistan hakimiyyəti bilərəkdən itkilərlə bağlı informasiyaların yayılmasının qarşısını alır:

"Hazırda Ermənistanda bir terrorçu və qaniçən rejim hakimiyyətdədir. Onlar öz ölkələrindəki acınacaqlı, sosial sahələrdəki nöqsanlı vəziyyətlərdən əhalinin fikrini yayındırmaq üçün bu cür təxribatlara əl atırlar".

ATƏT-in Minsk Qrupunun məsələyə biganə yanaşması məsələsinə toxunan ekspert qeyd edib ki, beynəlxalq aləm bu məsələdə də həmişəki kimi ikili mövqe sərgiləyir. O, həmçinin əlavə edib ki, baş verən bu cür təxribatlar Azərbaycana öz torpaqlarını düşməndən geri alması üçün müharibə etməkdən başqa yol qoymur.