Azərbaycanın mədəniyyət və turizm naziri Əbülfəs Qarayev şəhid hərbi qulluqçularımızın ailələrinə başsağlığı verib.

Mədəniyyət və Turizm Nazirliyinin mətbuat xidmətindən Axar.az-a verilən məlumata görə, başsağlığında deyilir: "Allah vətənimiz uğrunda canını qurban vermiş şəhidlərimizə rəhmət eləsin!

Şəhidlərimizin ailələrinə və yaxınlarına dərin hüzünlə başsağlığı verir və xalqımıza səbr diləyirik".

Qeyd edək ki, erməni silahlı qüvvələri son dövrlər cəbhə xəttində atəşkəs rejimini daha intensiv pozur. İyulun 31-dən avqustun 1-nə keçən gecə isə erməni kəşfiyyat-təxribat qrupları Ağdam və Tərtər rayonları ərazisində qoşunların təmas xəttini keçməyə cəhd göstərib. Digır kəşfiyyat-təxribat cəhdi isə avqustun 1-dən 2-nə keçən gecə baş verib. Lakin Silahlı Qüvvələrimizin bölmələrinin sayıqlığı nəticəsində hər iki təxribatın qarşısı alınıb. Şiddətli atışmadan sonra erməni bölmələri xeyli itki verərək geri çəkilməyə məcbur edilib.