"Hökumət başçıları gedib restoranlarda az yeyib-içsinlər, xarici ölkələrdə az dincəlsinlər"

"Ermənistan ordusunun pilotsuz təyyarələrlə təchiz edilməsi üçün hökumət az yeməli və az dincəlməlidir".

Bunu Ermənistan ordusunun keçmiş kəşfiyyatçısı Vova Vardanov son günlər Azərbaycan-Ermənistan sərhədində baş verənlərə münasibət bildərərkən bəyan edib.

O bildirib ki, cəbhədə erməni əsgərlərinin ölüm hallarının sayını azaltmaq üçün hökumət ordunu müasir texnika ilə təmin etməlidir.

"Hökumət başçıları gedib restoranlarda az yeyib-içsinlər, xarici ölkələrdə az dincəlsinlər. Düşünürəm ki, əgər belə etsələr orduya pilotsuz təyyarələr də almaq olar, ölən əsgərlərimizin sayı da azalar", deyə Vova Vartanov bildirib.

Qeyd edək ki, son günlər erməni kəşfiyyat-təxribat qrupu cəbhənin müxtəlif istiqamətlərində müdafiənin ön xəttində yerləşən mövqelərimizdəki postlara basqın etməyə cəhd göstəriblər. Əsgərlərimizin sayıqlığı nəticəsində düşmənin cəhdinin qarşısı alınıb. Ermənistan ordusu xeyli itki verib. Lakin Ermənistan Müdafiə Nazirliyi faktı gizlətməyə çalışır.

Təəssüf olsun ki, şiddətli döyüşlərdə Azərbaycan Ordusu da itki verib.

ANS