"Dağlıq Qarabağ Respublikası" Xarici İşlər Nazirliyi Azərbaycana çağırış edib.

Axar.az xəbər verir ki, erməni tərəfi Azərbaycanın cəbhə bölgəsində ciddi tədbirlər almasından sonra qorxuya düşərək ATƏT-in atəşkəs təkliflərini qəbul etməyə çağırıb.

"DQR" tərəfindən verilən açıqlamada atəşkəsin qorunmasının ən yaxşı yolu kimi ATƏT-in təklifləri göstərilir.

Qeyd edək ki, ATƏT-in Minsk Qrupunun həmsədrlərindən Ceyms Uorlik cəbhədəki gərginlikdən narahat olduqlarını bildirmişdi. Tərəfləri Uorlik atəşkəsə hörmət etməyə çağırmışdı.

Xatırladaq ki, avqustun 31-dən bu yana cəbhədə baş verən gərginlik zamanı Azərbaycan ordusu 15 əsgər şəhid verib, erməni tərəfi isə açıqlamasında 20 əsgərinin öldüyünü bildirib.