Fransa parlamentinin deputatı Fransua Roşbluan Azərbaycanı ittiham edib.

Axar.az xəbər verir ki, Roşbluan bu barədə erməni mətbuatına verdiyi açıqlamasında bildirib.

Onun sözlərinə görə, Azərbaycan bir tərəfdən Avropa Şurasına sədrlik edir, digər tərəfdən maliyyələşmə və investisiyalar üçün imkanlar üzərində işləyir.

"Öz lobbisini yaratmaq niyyəti ilə Azərbaycan investisiyalar üçün hərəkətə keçib, məsələn Avropanın futbol klubları. Digər tərəfdən isə Bakı Qarabağ münaqişəsinin sülh yolu ilə həllini arzulamır və Dağlıq Qarabağı danışıqlar masasında görmək istəmir. Bununla Azərbaycan təxribatlar törədir", - deyə Roşbluan bildirib.

Fransız deputatın sözlərinə görə, Bakı Avropada yaxşı imic yaratmaq istəyir.

Roşbluan əsl ermənipərəst sifətini göstərərək ermənilər tərəfindən işğal olunmuş Azərbaycanın 20 faiz ərazisinin qaytarılmasının qəbuledilməz olduğunu bildirib.