Axar.az
Yuxarı

Ermənilərin gülləbaran etdiyi kənddən reportaj – Foto/Video

Ana səhifə Gündəm
12 Punto 14 Punto 16 Punto 18 Punto

Bir neçə gündür ki, ermənilərin atəşə tutduğu Qazaxın Kəmərli kəndində vəziyyət son dərəcə ağırdır.

Dünən gecə bu kəndə çatdıq. Ara-bir atəş səsləri eşidilsə də, əvvəlki günlərə nisbətən sakitlik idi.

Kəmərli sakini Eyvaz kişi bildirir ki, 2 gün öncə ermənilərin kəndi aramsız atəşə tutması hər kəsi narahat edib: "Gecə evimizdə yata bilmirik. Bu gecə saat 3-dən səhərə kimi ermənilər kəndi gülləbaran edib. Uşaqları çölə buraxmırıq. İndi mal-heyvanımızı da çölə çıxara bilmirik. Ermənilər nə gördülər, vururlar. Baxmırlar qocaya, qadına, uşağa. 2 gün öncə də bir kənd sakinini vurdular. İndi xəstəxanadadır.Vəziyyət çox pisdir".

Kənd sakininin sözlərinə görə, ermənilərin atəş açdığı silahlar əvvəlkilərdən fərqlənir: "Biz birinci dəfədir ki, belə silah görürük. Atəş açıldığı zaman qəlpələr düşdüyü yerdə 2 metr radiusda hər şeyi məhv edir. Bu qəlpələri birinci dəfədir ki, görürük. Əlbəttə ehtiyatı əldən verməməyə çalışırıq, ancaq belə şeylər bizi qorxutmur".

Qeyd edək ki, yaralanan kənd sakini haqqında digər yazımızda məlumat vermişik.

Erməni postlarından 500-700 metr məsafədə yerləşən kənd sakini Əliyar Cəfərov deyir ki, atışmaların intensivləşəndə sakinlər qocalara, uşaqlara görə narahat oldular. Köçmək istəyənlər də oldu. Ancaq: "Biz heç yerə getmək istəmirik. Vəziyyət elə gətirmişdi ki, artıq bu kənddə qalmaq təhlükəli vəziyyətə çevrilmişdi. Qadın, qoca, hamı qorxu içindəydi. 2 gün bundan qabaq vəziyyət acınacaqlı idi. İndi şükür olsun, ordumuzun sayəsində düzəlib".
Onu da bildirək ki, kənd sakinlərinin bildirdiyinə görə, ordumuz tərəfindən hazırlıq işləri görülür. Ağır texnika, tank, iri çaplı silahlar hər an hazır vəziyyətdədir.

Qeyd edək ki, dünəndən bəri ara-sıra atışma səsləri eşidilir. Atışma əsasən gecə radələrində başlayır və səhərədək davam edir.

Ordu və mülki şəxslərdən yaralanan, həlak olan yoxdur.

Bakı-Qazax

Tarix
2014.08.03 / 13:56
Müəllif
Şəmsəddin Ənsar
Şərhlər
Digər xəbərlər

Şuşadakı məbədə zərbə endirilməsi... - Rus mediası

MN: Düşmən nizamsız qaydada geriyə çəkilir

Gəncədə gördüklərimdən çox sarsıldım - Səfir

Torpaqların işğaldan azad edilməsinə çox sevinirik - Haye

Baş prokuror Malkoçla görüşdü

Putinin Qarabağla bağlı açıqlaması... - İmanov

Bakı ilə əlaqələr güclüdür - Qətər

İrəvan özü etiraf edir ki... - Hacıyev

Ermənistan bugünkü itkilərinin sayını açıqladı

Erməni əsgərlər: O qədər sürətlidirlər ki, bacarmırıq - Video

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla