Qənirə Paşayevə türk dünyasının siyasətçi və jurnalistlərinə müraciət edib.

Axar.az xəbər verir ki, millət vəkili bu müraciətini öz Feysbuk səhifəsində yerləşdirib.

Müraciətində millət vəkili hər kəsdən Qarabağı unutmamağı istəyib:

"Türk dünyasının qardaş millət vəkilləri, siyasiləri! Cəmiyyətə örnək olaraq mesajlarınızda Ermənistanın işğalı altında inləyən Qarabağı unutmayın.

Türk dünyasının jurnalistləri! Ermənistanın işğalı altında olan məscidləri, dağıdılan, 3 gündə 13 şəhid verdiyimiz Qarabağı, 1 milyon qaçqını unutmayın!

Türk dünyasına konsert verən sənətçilərimiz! Konsertlərinizdə Ermənistanın işğalı altında inləyən, 3 gündə 13 şəhid verdiyimiz Qarabağı unutmayın!"