Ağdamın təmas xəttində yerləşən Təzəkənddə nisbi sakitlikdir.

Bu haqda Axar.az-ın bölgədə olan müxbiri xəbər verir.

Qadağan olunmuş ərazini bildirmək üçün qurulmuş posta ən yaxın evdə yaşayan kənd sakini Mirzəyev Sərxan ötən günlərdə baş verən hadisələr haqda bunları deyib:

"İyulun 31-dən avqustun 1-nə keçən gecə atışma səsləri elə gəlirdi ki, elə bildim, mərmilər pəncərənin ağzında uçuşur. Hətta şüşələri sındıracağını düşündüm. Amma dünən gecə elə də atışma olmayıb. Biz bu səslərə və vahiməyə alışmışıq. Lakin balaca körpə balalar səsdən yata bilmir, qorxur, psixoloji travma alırlar. İki gündür ki, Ağdamın polis rəisi də buralara tez-tez baş çəkir, burda yaşayan ailələrlə maraqlanır. Polis rəisi bizə dedi ki, narahat olmayın, hər şey nəzarət altındadır".

Xatırladaq ki, son günlər baş verən döyüşlərdə Azərbaycan ordusunun 13 əsgəri şəhid olub. Düşmən tərəfdən isə 20-dən çox ölü, 40-a yaxın yaralı var.