Müdafiə naziri Zakir Həsənovun Ağdam cəbhəsindəki gərgin vəziyyətlə şəxsən tanış olmaq üçün bu bölgəyə getməsi ilə bağlı sosial şəbəkələrdə video paylaşılıb.

Axar.az xəbər verir ki, cəbhə bölgəsində olan jurnalist İlqar Vəliyevin profilindən yayılan və sürətlə paylaşılan bu görüntüyə rəsmi olaraq cavab verilməyib.

Hərbi mənbələrdən aldığımız məlumatda bildirilir ki, artıq üç gündür Azərbaycanın qırıcı və helikopterləri cəbhə bölgəsində uçuşlar həyata keçirir, düşmənin atəş nöqtələrini hədəfdə saxlayır. Jurnalistlərin diqqətini çəkən bu uçuşlar da növbəti hərbi aviasiya manevrlərindən biridir.

General-polkovnik Zakir Həsənovun isə cəbhə xəttinin hansı istiqamətində olması haqda xəbər gizli saxlanılır.