ATƏT-in Minsk Qrupu çərçivəsində əldə olunan razılaşmalara görə, Qarabağa sülhməramlıların yeridilməsi mümkün deyil.

Axar.az xəbər verir ki, bunu polşalı politoloq, Avropa Geosiyasi Analiz Mərkəzinin baş direktoru Mateuş Piskorski cəbhə xəttində son günlər baş verən gərginlik səbəbindən Dağlıq Qarabağa sülhməramlı qüvvələrin yeridilməsi məsələsinə toxunarkən deyib.

Politoloq bildirib ki, ilk növbədə bu sülhməramlı qüvvələrin tərkibinin kimlərdən ibarət olacağını müəyyənləşdirmək lazımdır: "Bura Ukrayna münaqişəsinə görə ATƏT-in Minsk Qrupunun həmsədr ölkələri arasında gərginliyi də əlavə etmək olar. Onların Dağlıq Qarabağda beynəlxalq sülhməramlı kontingentin yaradılması ilə bağlı razılığa gələ biləcəkləri çətin məsələdir. Azərbaycan tərəfinin addımları məhdud xarakterli olduğu üçün indiki vəziyyətdə sülhməramlı qüvvələrin iştirakına ehtiyac yoxdur. Bu addımlar Dağlıq Qarabağ və ya Ermənistana hücum hesab olunmur".

Politoloqun sözlərinə görə, Azərbaycanın addımları geniş miqyaslı olarsa, o zaman konfliktin həlli üçün sülhməramlı kontingentin göndərilməsi yollarını axtarmaq olar.