Azərbaycana beynəlxalq dəstəyin göstərilməsi, torpaqlarımızın işğaldan azad olunması, eyni zamanda beynəlxalq təşkilatların Ermənistana qarşı mövqeyinin sərtləşdirilıməsi üçün bəyanat hazırlanacaq.

Bu barədə məlumatı Axar.az-a Humanitar Tədqiqatlar Mərkəzinin rəhbəri, konfliktoloq Əvəz Həsənov verib. Son hadisələrlə bağlı vaxtaşırı yerli və xarici KİV-lərdə çıxış etdiyini deyən Ə.Həsənov Şərq Tərəfdaşlığı Proqramının Vətəndaş Forumu çərçivəsində bəyanat hazırlanması üçün təkliflər də verdiklərini qeyd edib:

"Bəyanatda baş verənlərə münasibətin bildirilməsi ilə yanaşı, Avropa Birliyinin Ermənistana qarşı sərt mövqe sərgiləməsinin vacibliyi də qeyd olunacaq".

Konfliktoloq onu da əlavə edib ki, Qazax və Tovuz rayonlarındakı icma rəhbərləri vasitəsilə cəbhədə baş verənləri daim diqqətdə saxlayırlar.