"Ermənistan-Azərbaycan" təmas xəttindəki gərginliyin artmasında və genişlənməsində Rusiyanın rolu danılmazdır".

Axar.az xəbər verir ki, bunu Ermənistanın "Birinci kanalı"na müsahibəsində bu ölkənin 1992-95-ci illərdə Milli Təhlükəsizlik Xidmətinin rəhbəri olmuş David Şahnazaryan deyib.

Onun sözlərinə görə, gərginliyin artmasında Rusiya amilinə heç kim şübhə etməməlidir:

"Təmas xəttindəki hadisələrin yaranmasında və genişlənməsində Rusiyanın rolu danılmazdır. Məsələn, bu günlərdə "Rossiya 24" kanalının xəbərlər buraxılışı zamanı aparıcının suallarını cavablandıran Rusiya Xarici İşlər Nazirliyi İnformasiya şöbəsinin rəhbərinin arxasındakı yan ekranda təmas xəttindəki hadisələr və ölən hərbçilərlə bağlı süjet efirə verilirdi. Təbii ki, bu, hadisələrin gərginləşməsinə gətirən amillərdən biri idi".

Şahnazaryan bildirib ki, prosesin öz məcrasına düşməsi üçün də məhz elə Rusiya əlindən gələni sərgiləməlidir.