Gürcüstanın aparıcı kütləvi informasiya vasitələri Ermənistan iqtisadiyyatının daha da tənəzzülə uğraması barədə tənqidi material dərc ediblər.

Axar.az xəbər verir ki, öz araşdırmaları və erməni mənbələrinə istinad edən gürcü media mənsubları ABŞ və Avropa Birliyinin Rusiyaya qarşı tətbiq etdiyi sanksiyaların artıq Ermənistanda müşahidə olunduğunu vurğulayıblar.

Təqdim olunan analitik materialda deyilir ki, hələ Avrasiya İqtisadi Birliyinin üzvü olmayan Ermənistan artıq sanksiyalardan ciddi əziyyət çəkməyə başlayıb. Ən başlıca məqam kimi isə Rusiyadan bu ölkəyə olan transfertlərin nəzərə çarpacaq şəkildə azalması göstərilib. Əvvəlki illərdəki 369,5 milyon dollarlıq göstərici hazırda rekord həddə aşağı - 141 milyon dollara düşüb.