Prezident İlham Əliyevin qızı, Heydər Əliyev Fondunun vitse-prezidenti Leyla Əliyevanın paylaşdığı son status diqqət çəkib.

Axar.az xəbər verir ki, Prezident İlham Əliyevin hərbi formada olan fotosu ilə "Biz tarixi torpaqlarımızı qaytaracağıq. Söz verirəm" sitatını paylaşan Leyla Əliyevanın statusu gənclərin dəstəyini qazanıb.

Xatırladaq ki, ötən gün Leyla Əliyeva son döyüşlərdə şəhid olan əsgərlərimizlə bağlı daha bir münasibətini açıqlamışdı:

"Şəhidlərin ailələrinə başsağlığımı ifadə edirəm! Həlak olmuş əsgərlərimiz Azərbaycanın müstəqilliyini müdafiə edərək onun milli azadlığını, torpaqlarını qoruyub. Onların qəhrəmanlığı, Azərbaycan xalqı qarşısında böyük xidmətləri heç vaxt unudulmayacaq, onlar mənim ürəyimdə əbədi yaşayacaq. Vətən, torpaq uğrunda şəhid olan oğullarımızın ailələri onlarla fəxr edə bilərlər. Çünki onlar müstəqil Azərbaycan üçün belə şücaətli oğullar, qəhrəmanlar böyüdüblər. Şəhidlərin ailələrinə daimi diqqət hər bir vətəndaşın borcudur, dövlətin, hökumətin, mənim, sizin borcunuzdur. Biz heç vaxt onları unutmamalıyıq. Bilin ki, mən həmişə sizinlə, xalqlayam və ömrümün sonunadək sizinlə qalacağam!"