"Dağlıq Qarabağ probleminin qloballaşması təhlükəsi artır".

Axar.az xəbər verir ki, bu barədə rusiyalı politoloq Sergey Markedonov deyib.

Markedonov cəbhədə gərginliyin artmasının bir sıra mənfi nəticələrə gətirib çıxaracağını bildirib:

"Problemin qloballaşması təhlükəsinin artması post-sovet məkanında hərbi-siyasi inteqrasiya böhranının baş verməsini qaçılmaz edəcək".

Azərbaycan-Ermənistan münasibətlərinin daha da pisləşməsinin Qərb və Rusiya arasındakı əlaqələrə ağır zərbələr endirəcəyini bildirən Markedonov münaqişənin yalnız bu iki ölkəyə aid olmadığını, bütün keçmiş sovet məkanının problemi olduğunu qeyd edib.

Markedonov Rusiya sülhməramlıların bölgəyə yerləşdirilməsi ehtimalına inanmadığını, tərəflərin bu addıma tərəfdar olmayacağını bildirib.