Polşada fəaliyyət göstərən Azərbaycan Mədəniyyət Mərkəzi Azərbaycan-Ermənistan təmas xəttindəki mövcud vəziyyət barədə Polşa dövlət və hökumət nümayəndələrinə narahatlıq ifadə edən məktubla müraciət edib.

Axar.az xəbər verir ki, müraciət Polşa prezidentinə, Baş nazirə, parlament üzvlərinə, həmçinin Avropa Şurası, ATƏT və BMT-nin baş ofisinə, eyni zamanda ATƏT-in Minsk Qrupu həmsədrlərinin elektron poçtuna göndərilib.
Müraciətdə Azərbaycanın 20 faiz torpaqlarının erməni işğalçıları tərəfindən zəbt edilməsi, bir milyona yaxın qaçqının öz yurd-yuvalarından didərgin düşməsi vurğulanıb.

Məktubda o da xatırladılır ki, iyul ayının sonundan etibarən cəbhə xəttində atəşkəsin pozulması nəticəsində Azərbaycan ordusunun 13 əsgəri həlak olub, həmin ərazilərdə yaşayan dinc əhali intensiv atəşə tutulub.
Xatırladaq ki, müraciət müəllifləri sonda beynəlxalq təşkilatları bu təcavüzü dayandırmağa çağırıblar.