"Ermənistan diversantının Azərbaycan ərazisində tutulması qonşu dövlətin qara niyyətlərindən xəbər verir".

Bunu Axar.az-a açıqlamasında millət vəkili Aydın Mirzəzadə bildirdi. Millət vəkilinin sözlərinə görə, belə provokasiyalar birinci dəfə deyil: "Onun müəmmalı ölümü ilk növbədə Ermənistanın maraqlarına xidmət edir.

Bu məsələ ilə bağlı Azərbaycan tərəfinin açıqlaması olub və araşdırmalar davam edir. Ermənistanın işğal etdiyi Azərbaycan torpaqlarının işğaldan azad edilməsi məsləsi isə detallarla deyil, beynəlxalq hüququ normaları ilə müəyyənləşir.

Ermənistan Azərbaycan torpaqlarının 20 faizini işal edib və ölkəmizin ərazi bütövlüyünü tanımaq istəmir. Eyni zamanda işğal Ermənistanın özünün inşkişafının qarşısını alan ciddi bir amilə çevrilib. Bu baxımdan problemin həlli ilk növbədə Ermənistanın özünə lazımdır".

Deputat qeyd etdi ki, problem yalnız Azərbaycanın ərazi bütövlüyü hesabına həll edilə bilər: "Və bunu da Azərbaycan rəhbərliyi, cəmiyyət nümayəndələri qəti şəkildə elan ediblər. Bu günlər keçirilən Soçi görüşü də məhz bu prinsipə əsaslanarsa, problemin həlli mümkün ola bilər".