"Avqustun 6-da Ağdamda idik. Cənab Prezidentlə görüşdə iştirak etdik. Hər şey ordumuzun nəzarəti altındadır".

Bu fikirləri Ağdamdan olan xanəndə, Xalq artisti, prezident mükafatçısı Mənsum İbrahimov Axar.az-a açıqladı.

Xalq artistinin sözlərinə görə, düşmən çoxlu sayda itki verib və:

"Ordumuzun və oradakı əhalinin əhval-ruhiyyəsi yüksəkdir".

M.İbrahimov hesab edir ki, düşmən gücümüzü artıq görür:

"Azərbaycan öz torpaqlarını azad etməyə hər an hazırdır. Xalqımız da bunu səbirsizliklə istəyir. Hələlik böyük dövlətlər bunu ləngidir. Məncə, bu son danışıqları gözləyək. Tezliklə Qarabağımızı qaytaracağıq, inşallah".