"3 yaralı əsgərin Ankaraya aparılmasının simvolik əhəmiyyəti var".

Axar.az xəbər verir ki, bu açıqlama ilə politoloq Elxan Şahinoğlu öz Feysbuk səhifəsində çıxış edib. O, Türkiyənin bununla İrəvana mesaj göndərdiyini bildirib:

"Türkiyə hökuməti xüsusi təyyarə ilə cəbhə bölgəsində yaralanan 3 hərbçimizi ölkəsinə apardı. Türkiyənin Xarici İşlər naziri Əhməd Davudoğlu yaralı əsgərlərimizi Ankaradakı xəstəxanada ziyarət etdi. Əslində, həmin hərbçiləri bəlkə də Azərbaycanda da müalicə etmək olardı. Ancaq onların Türkiyəyə aparılmasının simvolik əhəmiyyəti var. Bu, hamıya mesajdır ki, müharibə başlayacağı təqdirdə Türkiyə Azərbaycanı yalqız qoymayacaq".