NATO Baş katibi Ramussen Rusiyanın Ukrayanaya qoşun yeritməsinin getdikcə reallaşdığını deyib.

Axar.az xəbər verir ki, o, apardığı təhlillərdən sonra belə qərara gəldiyini açıqlayıb. Onun sözlərinə görə, humanitar yardım adı altında Ukraynaya girmək, həmçinin sərhədlərdən Rusiya qoşunlarının geri çəkdirilməməsi belə iddianı irəli sürməyə əsas verir.

Jurnalistlərin "Siz necə düşünürsünüz, Rusiyanın Ukraynaya təcavüzü realdırmı" sualına cavabında Baş katib dilə gətirib ki, bu təhlükə hər keçən gün daha da artmaqdadır. Onun sözlərinə görə, qurum Rusiyanın istənilən humanitar yardım aksiyasını işğal kimi qiymətləndirəcək.