Yuxarı

Azərbaycanda ilk yaşandı: seçkidən dərhal sonra... - Video

Ana səhifə Gündəm
12 Punto 14 Punto 16 Punto 18 Punto

Azərbaycan daha bir prezident seçkisini arxada qoydu. 1993-cü ildən sonra formalaşan və qanunauyğun surətdə keçirilən prezident seçkilərinin 8-cisi xüsusi bir özəlliyi ilə yadda qaldı.

Axar.az xəbər verir ki, 8-ci prezident seçkisi günü “ekzit-poll” və MSK-nın ilkin nəticələri elan etməsindən dərhal sonra qalib xalqa canlı olaraq müraciət etdi. Türkiyədə adət etdiyimiz “balkon çıxışı” ilk dəfə Azərbaycanda, amma bir qədər fərqli formada tətbiq edildi.

Prezident İlham Əliyevin seçkidən dərhal sonra xalqa müraciəti, səhərisi gün isə qələbəni bayram edən fəallara ailəsi ilə birgə qoşulması, xalq önünə “qalstuksuz” çıxması və növbəti müraciəti Azərbaycanda seçki mədəniyyəti və ənənəsinə yeni, dəyərli bir çalar qatdı.

Onun xalqa müraciəti zamanı dediyi bu sözlər xalq-hakimiyyət bütünləşməsini göstərən nümunələrdən idi:

“Prezident seçkilərində Azərbaycan xalqı yenidən mənə böyük etimad göstərdi. Bu etimada, bu böyük dəstəyə görə doğma xalqıma minnətdarlığımı bildirmək istəyirəm. Mən həmişə Azərbaycan xalqının dəstəyini hiss edirəm. Bu dəstək mənə güc verir. Bu dəstək bizim inkişafımız üçün əsas şərtdir. Xalq-iqtidar birliyi Azərbaycanda inkişafımızın əsas amilidir. Bu seçkilərdə Azərbaycan xalqı sabitliyə, təhlükəsizliyə, inkişafa, tərəqqiyə səs vermiş, son 15 il ərzində görülən işlərə yüksək qiymət vermişdir. Bütün bu uğurları biz sizinlə birlikdə qazandıq”.

Budəfəki seçkinin fərqli olduğunu göstərən amillərdən biri də Zahid Oruc və Qüdrət Həsənquliyevin timsalında rəqib namizədlərin qalibi – İlham Əliyevi seçkidəki qələbəsi münasibətilə telefonda təbrik etməsi oldu. Bu ənənə də dünya ölkələrində daim müşahidə olunsa da, Azərbaycanda ilk idi.

Bütün bunlar Azərbaycanda prezident seçkilərinin artıq siyasi mədəniyyət səviyyəsinə yüksəldiyini göstərir. Son seçkilər bir daha təsdiqlədi ki, Azərbaycan həm dövlət, həm də toplum olaraq modernləşir və bütün qütblərdə dünyaya inteqrasiya edir.

Tarix
2018.04.13 / 11:42
Müəllif
Aqşin Evrən
Şərhlər
Digər xəbərlər

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla