Erməni Apostol Kilsəsinin Qarabağ Yeparxiyasının başçısı arxiyepiskop Parqev Martirosyan Azərbaycanın nəzarətinə qaytarılacaq ərazilərdən danışıb.

Soçi görüşlərini şərh edən erməni keşiş deyib: "Həyat təcrübəmdən və son 20-30 ilin hadisələrindən belə görürəm ki, Dağlıq Qarabağ bir neçə rayonu güzəştə getməlidir, referendum keçirilməlidir və bizə nazik dəhliz verməlidirlər. Ancaq təhlükəsizliyimizə zəmanət yoxdur", - deyə arxiyepiskop Parqev vurğulayır.

Arxiyepiskop Parqev Qarabağ danışıqlarına və ATƏT-in Minsk qrupunun fəaliyyətinə inanmadığını da bildirib. O, ümidlərinin yalnız Rusiya liderinə bağlı olduğunu vurğulayıb: "Soçi görüşlərindən sonra vəziyyət sakitləşdi. Buna görə Vladimir Putinə minnətdar olmalıyıq".

ANS