"ABŞ-dakı səfirimiz Masaçusets ştatının prokurorluğunda olub".

Axar.az xəbər verir ki, bu sözləri XİN mətbuat xidmətinin rəhbəri Elman abdullayev ABŞ-da 3 il öncə itkin düşən Azərbaycan vətəndaşı Evelin Vəlibəyova haqqında danışarkən deyib.

Nazirlik rəsmisi itkin düşən vətəndaşımız barədə ABŞ-dakı səfiliyimizin daima maraqlandığını bildirib:

"Ölkəmizin ABŞ-dakı səfiri Elin Süleymanov itkin düşən vətəndaşımız Evelin Vəlibəyovanın istintaqı ilə maraqlanmaq üçün Masaçusets ştatının prokurorluğunda olub. Prokurorluqdan bildirilib ki, cinayətlə bağlı bir nəfər şübhəli şəxs qismində saxlanılıb".

Xatırladaq ki, 1987-ci il təvəllüdlü Evelin Vəlibəyova 2011-ci ildə ABŞ-ın Boston şəhərində yoxa çıxıb. ABŞ polisi uzun müddət onun axtarışlarını aparsa da, tapa bilməyib və İnterpola müraciət etmək məcburiyyətində qalıb.

O, Kembricdə "Area 4" restoranında işləyirmiş. İyulun 16-da evdən çıxıb və geri qayıtmayıb.