Azərbaycan Prezidenti İlham Əliyev Füzuli səfəri zamanı yerli əhali qarşısında etdiyi çıxışını özünün rəsmi Tvitter səhifəsində paylaşıb.

Axar.az xəbər verir ki, Prezident son illərdə ölkəmizin gücünü göstərən inkişafı diqqətə çatdırıb:

"Heç bir ölkə qondarma "Dağlıq Qarabağ Respublikası"nı respublika kimi tanımır və tanımayacaqdır. Haqq-ədalət bizim tərəfimizdədir. Dağlıq Qarabağ əzəli Azərbaycan torpağıdır. Mən tam əminəm ki, biz öz ərazi bütövlüyümüzü bərpa edəcəyik. Azərbaycanın buna gücü çatır və bu, qaçılmazdır. Biz Füzuli şəhərini, hazırda tamamilə dağıdılmış Ağdamı, Şuşanı, bütün başqa şəhərləri bərpa edəcəyik. Hazırda işğal altındakı bütün torpaqlar işğaldan azad olunandan sonra Horadiz kimi olacaq. Azərbaycan cəmiyyəti azad cəmiyyətdir və bu, bizim böyük nailiyyətimizdir. Bütün azadlıqlar - söz azadlığı, vicdan azadlığı, mətbuat azadlığı, internet azadlığı var. Heç bir senzura yoxdur. Azərbaycanda azad cəmiyyət formalaşıbdır, bütün demokratik təsisatlar var və onlar uğurla fəaliyyət göstərir. Vətənpərvərlik, bilik, savad, fiziki hazırlıq, öz keçmişinə bağlılıq, milli ruhda tərbiyə bizim üçün əsas amillər olmalıdır."