Bu gün dünya şöhrətli Azərbaycan alimi Rafiq Əliyevə Parisdə "Dünya elmində ömürlük nailiyyət" ("Lifetime achievement award") elmi mükafatı təqdim ediləcək.

Bu haqda hazırda Fransada olan R.Əliyev Axar.az-a verdiyi açıqlamasında deyib.

Alimin sözlərinə görə, bu mükafata qərar qəbuletmə nəzəriyyəsi, qeyri-səlis məntiqin inkişafında görülən işlər və soft-komputinq istiqamətində xidmətlərinə görə layiq görülüb.

"Saat 16:00-da təqdimetmə mərasimi başlayacaq və tədbirə dünyanın tanınmış alimləri qatılacaq", - Rafiq Əliyev bildirib.

Qeyd edək ki, daha öncə - 2000-ci ildə bu mükafata məşhur azərbaycanlı alim Lütfi Zadə layiq görülüb.