Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
26 May 2019


Səfir: İrəvan bütün beynəlxalq layihələrdən kənarda qalıb

Ana səhifə Gündəm
12 Punto 14 Punto 16 Punto 18 Punto

Azərbaycanın Efiopiyadakı səfiri Elman Abdullayev bu ölkənin mədən, neft və təbii qaz naziri Ato Motuma Mekassa ilə görüşüb.

Axar.az xəbər verir ki, səfir ölkələrimiz arasında müvafiq sahədə əməkdaşlıq əlaqələrinin genişləndirilməsinin zəruriliyini vurğulayıb. O, enerji sahəsində ölkəmiz tərəfindən görülmüş işlərə toxunaraq, Bakı–Tiflis–Ceyhan neft, Bakı-Tiflis-Ərzurum və TANAP qaz kəmərlərinin qlobal və regional strateji əhəmiyyəti və bu layihələrin həyata keçirilməsində ölkəmizin rolu barədə məlumat verib. Qeyd edib ki, həmin beynəlxalq neft və qaz kəmərləri vasitəsilə Xəzər hövzəsindən, eləcə də Mərkəzi Asiya regionundan enerji daşıyıcılarının Avropaya nəql edilməsi region dövlətlərinin iqtisadi inkişafına ciddi töhfə verəcək. Diplomat Bakı-Tiflis-Qars dəmir yolu xətti barədə məlumat verərək, ölkəmiz tərəfindən aparılan siyasət nəticəsində Çin və digər Şərqi Asiya ölkələrindən Avropaya yükdaşımaların asanlaşdırıldığını vurğulayıb. Qeyd olunan infrastruktur layihələrin həyata keçirilməsi nəticəsində ölkəmiz tərəfindən tarixi İpək yolunun bərpasına böyük töhfə verildiyi diqqətə çatdırılıb.

E.Abdullayev, həmçinin ölkəmizin iqtisadiyyatında aparılan islahatlar, qeyri-neft sektorunun inkişafı ilə bağlı həyata keçirilmiş tədbirlər, eləcə də turizm, kənd təsərrüfatı və digər sahələrdə əldə edilmiş nailiyyətlərlə bağlı geniş danışıb. Bundan başqa, diplomat Ermənistanın işğalçılıq siyasətinə toxunub və bu siyasət nəticəsində Ermənistanın bütün beynəlxalq və regional layihələrdən kənarda qaldığını qeyd edib.

Səfir Azərbaycan və Efiopiya arasında enerji sahəsində əməkdaşlıq əlaqələrinin genişləndirilməsi və Efiopiyanın ölkəmizin bu sahədəki təcrübəsindən faydalanması üçün əməkdaşlığa hazır olduğumuzu diqqətə çatdırıb. O, ölkəmizin enerji siyasətinin bütün regionun inkişafını təmin etdiyini nəzərə alaraq, bu təcrübənin bölüşülməsi, efiopiyalı neft və qaz mütəxəssisləri üçün tədris kurslarının təşkili, bu sahədə Efiopiya vətəndaşları üçün ali təhsil almaq imkanının yaradılmasının mümkünlüyünü bildirib, müxtəlif illərdə 800-ə yaxın efiopiyalının ölkəmizin bir sıra təhsil müəssisələrində təhsil aldıqlarını vurğulayıb.

Efiopiyalı nazir Ato Motuma Mekassa ətraflı məlumata görə təşəkkür edib və ölkəsinin enerji sahəsində Azərbaycanın təcrübəsinin öyrənilməsində maraqlı olduğunu bildirib. Nazir enerji sahəsində əlaqələrimizin genişləndirilməsi üçün əməkdaşlıq proqramının hazırlanması fikrini alqışladığını qeyd edib.

Görüşdə gələcəkdə qeyd olunan sahədə əməkdaşlığın istiqamətlərini müəyyən edəcək müqavilə-hüquq bazasının yaradılması və qarşılıqlı səfərlərin həyata keçirilməsi məsələləri müzakirə edilib.

Tarix
2018.06.14 / 23:39
Müəllif
Axar.az
Şərhlər
loading...
Digər xəbərlər

NATO-nun Rusiyanı sıxışdırmaq üçün yeni planı – Şərh

Mxitaryan Bakıya gəlmədi, ermənilər "qorxaq" dedi

İlham Əliyevə təbriklər gəlməkdə davam edir

DGK sədri üç rayonun sakinləri ilə görüşdü - Foto

Ordumuz bayramla bağlı silsilə tədbirlərə başladı

İrəvanın bizi bunda ittiham etməsi absurddur - XİN

Millət vəkili: Bu, şərəfsizlik və xainlikdir...

Markaryanın azərbaycanlı qohumları fəallaşıb – Qazi

Erməni havasına oynayanlar... - Millət vəkili

Paşinyan oğlunu Qarabağdan niyə apardı? - Politoloq

KULT
<>
Xəbər xətti
 
e-vetendash
  
  
  
Axar.az'da reklam Bağla
Reklam
Bize yazin Bağla