Ölkəsində sosial-iqtisadi duruma məsul olan şəxsin Qarabağda nə iti azıb, o işğal olunmuş torpaqlarda nə axtarır?!

Axar.az xəbər verir ki, bu sözləri ekspert Qubad İbadoğlu Ermənistan baş naziri Nikol paşinyanın bir ayda ikinci dəfə Azərbaycanın işğal altında olan Dağlıq Qarabağ bölgəsinə gəlişinə münasibətində qeyd edib. Ekspertin sözlərinə görə, Paşinyan Dağlıq Qarabağda təmas xəttindəki mövqelərdə mühəndis infrastrukturları və istehkamlar, habelə müdafiənin təşkili üçün yeni texnologiyalarla tanış olub:

“Bununla nə demək istəyir, kimə güc göstərir?! Bütün bunlar onu göstərir ki, Ermənistanın hazırkı hakimiyyəti sülh danışıqlarına maraq göstərmir. Onda biz nəyi gözləyirik?!”

Ekspert vurğulayıb ki, Paşinyan Qarabağda olanda Azərbaycanın da baş nazirinin təmas xəttinə göndərilməsi yaxşı olardı.

Qeyd edək ki, dünən Ermənistanın Baş naziri Nikol Paşinyan Azərbaycanın işğal altında olan Dağlıq Qarabağ bölgəsinə səfər edib.