"Ukraynanın daxili siyasətində Rusiya yönümlü oliqarxların Kiyevdə təsirini heç kim nəzərə almaq istəmir".

Axar.az xəbər verir ki, bu açıqlama ilə politoloq Orxan Qafarlı öz Feysbuk səhifəsində çıxış edib. O, Poroşenkoya oliqarxların güclü təzyiq etdiyini bildirib:

"Türkiyədə Ukrayna məsələsi ilə bağlı bəzi ekspertlərin şərhlərini və analizlərini oxuduqdan sonra bir sıra önəmli məqamların gözdən qaçdığını görürəm. Ukraynanın daxili siyasətində Rusiya yönümlü oliqarxların Kiyevdə təsirini heç kim nəzərə almaq istəmir. Ukrayna mərkəzi hakimiyyəti şərqdə Rusiya yönümlü qruplarla əldə etdiyi sülh razılığını oliqarx qrupların təsiri ilə həyata keçiriblər. Ukrayna prezidentinə Odessa əsilli oliqarxların sərt reaksiya göstərib və onu sülhü imzalamağa təhrik ediblər. Hətta onu iqtidardan endirəcəkləri ilə bağlı da təhdid ediblər".