Vladimir Jirinovski artıq Bakıdadır.

Axar.az xəbər verir ki, bu barədə "Virtualaz.org" saytı diplomatik mənbələrinə istinadən onun saat 15:00-da Bakı aeroportuna gəldiyini yazıb.

Az əvvəl Axar.az-a açıqlama verən Rusiya Liberal Demokrat Partiyasının deputatı Roman Hudyakov isə Jirinovskinin Bakıya gəlməsinin hələ dəqiq olmadığını deyib.

O, hələlik partiyada bununla bağlı dəqiq fikrin olmadığını bildirib. Hudyakov hər hansı bir irəliləyiş olacağı zamanı LDPR-in özünün rəsmi açıqlama verəcəyini söyləyib.

Qeyd edək ki, bir müddət öncə Jirinovskinin Bakıya səfəri ilə əlaqədar informasiya yayılmışdı. Sonradan Jirinovskini Bakıya dəvət edən Türkdilli Dövlətlərin Siyasətinə Dəstək Fondunun rəhbəri Nüsrət Məmmədov bunu inkar etsə də, bu informasiya bu gündən etibarən yenidən aktivləşib.