Son aylar marşrut sürücülərinin yol hərəkəti qaydalarını kobud surətdə pozması və qəzalara səbəb olması Nəqliyyat Nazirliyini ciddi addımlar atmağa vadar edib.

Axar.az-ın məlumatına görə, artıq nazirlik hərəkətə keçib və reydlər başlanıb. Reydlər zamanı sürücülük vəsiqəsi olmayan onlarla sürücü müəyyən edilib və avtobusların idarəetməsindən kənarlaşdırılıb.

Daha bir profilaktik addım isə "Qaynar xətt"in yaradılmasıdır. Avtobuslarda sərnişinlər üçün elan da vurulub. İctimai nəqliyyatda sürət həddini aşan, qəza riski yaradan, sərnişinə qarşı kobudluq edən sürücülərlə bağlı "Qaynar xətt"ə (563 – 26-69, (070) 814 – 33-89, (070) 749 -51-91) məlumat vermək xahiş olunur.

Sərnişinin şikayəti əsasında araşdırmalara başlanır, sürücü marşrut xəttindən kənarlaşdırılır.