Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
17 Fevral 2019


Paşinyanın Moskvada Qarabağ “radikallığının” – Səbəbi

Ana səhifə Gündəm
12 Punto 14 Punto 16 Punto 18 Punto

Paşinyanın Rusiyaya səfəri zamanı verdiyi açıqlamalar bir daha göstərdi ki, o, ciddi siyasətçi olmaqdan uzaqdır.

Bu sözləri Axar.az-a açıqlamasında millət vəkili Hikmət Babaoğlu deyib. Deputat bildirib ki, Paşinyanın Rusiyaya səfərinin əsas məqsədi Ermənistan-Azərbaycan, Dağlıq Qarabağ probleminin həlli ilə bağlı bu ölkənin dəstəyinə nail olmaq, eyni zamanda, Ermənistan iqtisadiyyatının mümkün dirçəliş yollarını Putinlə müzakirə etmək idi:

“Digər tərəfdən, Azərbaycanın KTMT-yə mümkün üzvlük məsələsinin Ermənistanı narahat etməsi də müzakirə edilən məsələlər sırasında yer alırdı. Başqa bir məqsəd isə Ermənistanın AES-in mümkün uzunmüddətli istismar yollarının Rusiya ilə müzakirə edilməsi və bu məsələdə Moskvadan təminat alması ilə bağlı idi. Amma Paşinyan məqsədlərinin heç birinə, xüsusilə də özü üçün daha əhəmiyyətli olan, yaxın aylarda Ermənistanda keçiriləcək seçkilərdə Rusiyanın dəstəyini qazanmaq niyyətinə nail ola bilmədi. Paşinyan bütün bu uğursuzluqları ört-basdır etmək üçün yenə də Ermənistan-Azərbaycan, Dağlıq Qarabağ problemini siyasi manipulyasiya predmetinə çevirərək daha çox daxili auditoriyaya hesablanmış açıqlamalar verdi. O, bu açıqlamalarında da qeyri-ciddi idi, çünki Paşinyan baş nazirdən daha çox adi vətəndaş kimi danışırdı. Onun Dağlıq Qarabağı Ermənistanın tərkib hissəsi olaraq görməsi baş nazir üçün qeyri-ciddi xarakter daşıyır. Çünki başqa bir ölkədə səfərdə olan baş nazir bəyanatlarını dövlət adından verməlidir. Göründüyü kimi, Paşinyan burada öz adından çıxış etməklə bir daha siyasi diletant olduğunu nümayiş etdirdi”.

Millət vəkili vurğulayıb ki, Paşinyan Dağlıq Qarabağın Ermənistana birləşdirilməsi məsələsini məhz Rusiyaya səfərinin uğursuzluğunu ört-basdır etmək üçün gündəmə gətirdi:

“Bu məsələni yenidən gündəmə gətirmək onun Ermənistanın rəsmi siyasətinin keçimişindən xəbərdar olmamasının və gələcək siyasi perspektivləri aydın görə bilməməsinin göstəricisidir. Paşinyan yaxşı bilir ki, Azərbaycanın bu məsələdə mövqeyi qətidir. Azərbaycan işğal altında olan torpaqlarını azad etmək üçün bütün vasitələrdən istifadə edir. Azərbaycan işğal edilmiş ərazilərini hərbi yolla azad etmək iqtidarında olduğunu da sübuta yetirib. Ona görə də Paşinyanın öz bəyanatlarında bu problemin həlli istiqamətində güc tətbiqetmənin doğru yol olmadığını, məsələnin sülh yolu ilə həllinin vacibliyi, Ermənistanın kompromisə hazır olduğunu, bununla bərabər Azərbaycanın da kompromisə hazır olmasının zəruriliyini qeyd etməsi əslində onun Aprel savaşında Ermənistan ordusunun təxribatçı hərəkətlərinin qarşısını layiqincə alan Azərbaycanın hərbi qüdrətindən ehtiyat etməsidir. Bütün bunlar onu göstərir ki, Ermənistanın baş naziri siyasi qeyri-müəyyənlik içərisindədir, Rusiya səfəri də nəticəsiz və uğursuz səfər kimi onun siyasi kariyerasına yazıldı”.

Tarix
2018.09.11 / 14:28
Müəllif
Aygün Yusibova
Şərhlər
Загрузка...
Digər xəbərlər

"Neolit" davasına görə məşhur bloger həbs edildi

Lavrov Münhendə Qarabağın həllinə qarşı... – Açıqlama

Qızıllarını Qərbdə saxlayan dövlətlər niyə problem yaşayır?

Çeçenlər azərbaycanlıların bu yaxşılığını unutmur - Müraciət

Trampın səhhəti narahatlıq doğurur: Qanında…

Abbasov “Bakını vurmaq” təklifi edəni Zatulinəcən qovdu - Video

Elmar Məmmədyarov kanslerin məsləhətçisi ilə görüşdü - Foto

Kadırovdan azərbaycanlı-çeçen insidenti ilə bağlı göstəriş

Şeyxdən davaya müdaxilə: Tərəflər bir masa arxasında

"Neolit"dəki hadisəni şişirtmək doğru deyil - Məhəmmədov

KULT
<>
Xəbər xətti
 
Axar.az'da reklam Bağla
Reklam
Bize yazin Bağla