Multikulturalizm Azərbaycanda dövlət siyasəti
səviyyəsinə qaldırılıb.
Trend-in məlumatına görə, bunu Azərbaycan Respublikasının
millətlərarası, multikulturalizm və dini məsələlər üzrə dövlət
müşaviri Kamal Abdulla IV Bakı Beynəlxalq Humanitar Forumu
çərçivəsində keçirilən "Multikulturalizmin müqayisəli tədqiqləri:
nəzəriyyədən humanist təcrübəyə doğru" mövzusunda "dəyirmi masa"da
bildirib.
"2014-cü il fevralın 28-də Azərbaycanda Azərbaycan
Respublikasının millətlərarası, multikulturalizm və dini məsələlər
üzrə Dövlət müşavirliyi təsis edildi, 2014-cü il 15 may tarixində
Prezident İlham Əliyev Bakı Beynəlxalq Multikulturalizm Mərkəzinin
yaradılması haqqında sərəncam imzaladı"? – dövlət müşaviri
deyib.
Onun sözlərinə görə, Azərbaycanda multikulturalizm ənənələrinin
inkişafı və möhkəmlənməsi üçün bütün zəruri siyasi və sosial şərait
yaradılıb: "Azərbaycanda müxtəlif millətlərin, dinlərin və
mədəniyyətlərin nümayəndələrinin sərbəst yaşamaları üçün bütün
zəruri şərait yaradılıb. Müasir Azərbaycanda multikulturalizmin
möhkəmləndirilməsi və saxlanmasında Azərbaycan xalqının ümummilli
lideri Heydər Əliyev xüsusi rol oynayıb. Bu siyasət Prezident İlham
Əliyev tərəfindən uğurla davam etdirilir".
Dövlət müşaviri qeyd edib ki, Azərbaycanda siyasi
multikulturalizmin banisi Heydər Əliyevdir. Ümummilli lider bu
məsələni ölkədə demokratiyanın ayrılmaz hissəsi hesab edirdi.
Onun sözlərinə görə, Azərbaycanda multikulturalizm atmosferinin
saxlanması üçün ölkə rəhbərliyi beynəlxalq təşilatlarla, o cümlədən
BMT, ATƏT, İƏT və Aİ ilə sıx əməkdaşlıq edir.
Dövlət müşaviri bildirib ki, Azərbaycanda multikultural
təhlükəsizliyin təmin olunmasına sistemli yanaşma mövcuddur:
"Göstərilən məsələyə xüsusi diqqət ayrılır və hazırkı forum
multikultural təhlükəsizliyin intellektual göstəricilərindən
biridir".