Rusiya Prezidenti Vladimir Putinin ad günü şərəfinə keçirilən və minlərlə insanın iştirak etdiyi yürüş Qroznının mərkəzindən, Minutka meydanından start gütürərək Əhməd Kadırov prospekti ilə davam edir.

Axar.az RİA Novosti-yə istinadla bildirir ki, aksiya iştirakçıları uzunluğu 600 metr olan Rusiya və Çeçenistan bayraqları aparır və "Rusiya!", "Çeçenistan!" nidaları səsləndirirlər.

Çeçenistan DİN nümayəndəsinin məlumatına görə, yürüşdə 100 minədək insan iştirak edir. Yürüş bayram konserti və xalq gəzintisi ilə davam etdiriləcək.

Xatırladaq ki, bu gün Putinin ad günüdür. Prezidentin 62 yaşı tamam olur. Dövlət başçısının mətbuat katibi Dmitri Peskovun dediyinə görə, Putin bu gün istirahət götürüb və ad gününü Sibir tayqasında, yaşayış məskənlərindən xeyli uzaqda qarşılayacaq.