"Qafqazda Xəzər problemi Qarabağ problemi səviyyəsindədir".

Bu sözləri Axar.az-a açıqlamasında politoloq Qriqori Trofimçuk söyləyib. O, Xəzərdə qeyri-stabillik yaranacağı təqdirdə Qafqazın məhv olma təhlükəsi ilə üzləşəcəyini deyib:

"Həştərxan sammiti öncəsi baş verən hadisələrə diqqət yetirin: Bakını öz ərazisinə regiondan kənar qüvvələri gətirməkdə günahlandırdılar. Azərbaycan isə tam prinsipial şəkildə bu iddiaların qarşısını ala bildi. Bu tipdə informasiya provokasiyalarının qarşısını sona qədər almaq lazımdır ki, heç bir Xəzəryanı ölkədə gələcəkdə bu tərzdə kiçik bir şübhə belə qalmasın. Azərbaycanın zəif ölkə olması ilə bağlı süni təsəvvürlər yaratmaq gərək deyil, əksinə, Azərbaycan regionun güclü ölkələrindən biridir. Xəzəryanı ölkələrdən birində parçalanma bütün regionu öz təsir dairəsinə sala bilər. Bu zaman isə Qarabağı uzun müddətlik unutmalıyıq".