"Maydan – hər hansı bir ölkədə hakimiyyətin silah, döyüşçü qruplar vasitəsilə yıxılmasıdır və bütün bunların hamısı seçki sistemindən kənarda həyata keçirilir".

Bu sözləri Axar.az-a açıqlamasında rusiyalı politoloq Qriqori Trofimçuk postsovet məkanlarında "Maydan" hadisələrinin törədilməsi mümkünlüyü barədə danışarkən deyib. O, "Maydan"ın qarşısını almaqdan ötrü yeganə vasitənin sosial güzəştlər ola biləcəyini bildirib:

"Hazırkı zamanda "Maydan" necə başa düşülür? Bu, bir ölkədə olan hakimiyyətin silah, döyüşçü qruplar vasitəsilə yıxılmasıdır və bütün bunların hamısı seçki sistemindən kənarda həyata keçirilir. Beləliklə, "Maydan" istənilən postsovet ölkəsində gerçəkləşdirilə bilər. "Maydan"dan müdafiənin yeganə və maksimum zəmanəti ölkədəki tariflərlə qiymətləri qaldırmayıb, əksinə, onların aşağı düşməsinə şərait yaratmaqdır. Bu halda həmin ölkənin vətəndaşları aksiyalara maraqsız olacaqlar və onları bu istiqamətə yönəltmək çətin olacaq. Diqqətlə nəzər yetirsəniz, çevriliş baş verən ölkələrin hər birində qiymətlərin inqilablardan bir müddət öncə daha da artırıldığını görə bilərsiniz. Bundan sonra isə korrupsiya, "cinayətkar hökumət" və sairə haqqında sözlər yayılmağa başlayır".