Metronun "Koroğlu" stansiyası yaxınlığındakı körpünün bir hissəsi bağlanıb.

Axar.az-ın əməkdaşının verdiyi məlumata görə, körpüdə nəqliyyatın hərəkətini məhdudlaşdıran işarələr qoyulub və yol qovşağının bir hissəsi qapadılıb.

Tez-tez insanların özünəqəsd üçün istifadə etməsi səbəbindən daha çox "intihar körpüsü" statusu alan bu qovşaqda təmir işlərinin aparılacağı bildirilir.

Xatırladaq ki, Koroğlu dairəsindəki körpü artıq bir neçə dəfə intihar cəhdlərinin məkanı rolunda çıxış edib. Maraqlıdır ki, özlərinə diqqət çəkmək istəyənlər asma körpünün dəmir konstruksiyalı hissəsinə çıxıb, millət vəkili Qənirə Paşayevanı çağırırlar. Deputat da hər dəfə belə çağırışa gedərək intihara cəhd edən vətəndaşları ölümdən qaytarır.