Ana səhifə Gündəm |
Xorvatiya-Azərbaycan matçından əvvəl hər iki seçmənin baş məşqçisi mətbuat konfransı keçirib.
Axar.az xəbər verir ki, xorvat mütəxəssis Niko Kovaç bunları söyləyib: "Azərbaycan yığmasını taktiki cəhətdən incələmişik. Amma bu haqda burda danışmaq istəmirəm".
Kovaç yığmamızın əks-hücumlarda təhlükəli ola biləcəyini qeyd edib:
"Azərbaycan yaxşı müdafiə olunmağı bacarır. Bizi əks-hücumlarda yaxalamağa çalışacaqlar. Ona görə də diqqətli olmalıyıq. Berti Foqtsun sözlərinə mən də qatılıram. 2 gündən bir oyun keçirmək bizim üçün də ağırdır. Amma buna öyrəşməliyik. Biz bu 2 oyundan 6 xal götürməyi qarşımıza məqsəd kimi qoymuşduq. Azərbaycanla oyun yeni bir matçdır. Bolqarıstanla matçı unudub sabahkı oyuna köklənməliyk".
Millimizin baş məşqçisi Berti Foqts isə bildirib ki, rəqibə qarşı oynamaq çətin olacaq:
"İtaliya ilə oyundan sonra bərpa prosesi keçdik. Bu gün 1 məşq oldu. Əlimizdən gələni edəcəyik ki, yaxşı mübarizə aparaq. Xorvatiya yığması belə bir hala öyrəşib. Onlar Avropanın top komandalarında çıxış edirlər. 2 gündən bir oyun keçirə bilirlər. Bolqarıstan və İtaliya ilə oyunlarda son dəqiqələrdə top buraxmışıq. Bunu mən 7 il ərzində düzəldə bilmərəm. Bu, klublarda həll olunmalıdır".
Qeyd edək ki, Xorvatiya – Azərbaycan oyunu sabah Bakı vaxtı ilə saat 23:45-də başlayacaq.
Tarix
2014.10.13 / 08:00
|
Müəllif
Emin Aslanlı
|