"İdrak" İctimai Birliyinin təşkilatçılığı ilə Beynəlxalq Mətbuat Mərkəzində Qədir Xum bayram festivalı keçirilib.

Axar.az xəbər verir ki, bayram festivalında bir çox din xadimləri və xarici ölkələrin səfirlik nümayəndələri iştirak edib.

"İdrak" İB-nin təsisçisi Atif İsmayılov Axar.az-a açıqlamasında bildirib ki, bu festivalın Azərbaycanda baş tutmasında İraq səfirliyinin xüsusi rolu olub:

"Bu festivalın Azərbaycanda baş tutmasında İraq səfirliyinə dərin təşəkkür edirik. Bu, həm də İraqla Azərbaycan arasındakı qədim köklərə söykənən tarixi əlaqələrinin bariz nümunəsidir.

Əlavə olaraq qeyd edək ki, festivalda 8 səfirliyin nümayəndələri iştirak edib. Liviya və İraqın Azərbaycanda səlahiyyətli səfirləri çıxış edərək qonaqları və bütün İslam dünyasını bayram münasibəti ilə təbrik ediblər.

Bayramda "Əhli Beyt" ilahi mahnılar qrupu çıxış edib.