"Moskva və Bakı son günlər hər iki tərəfin maraqları əsasında intensiv şəkildə yaxınlaşırlar".

Bu sözləri Axar.az-a açıqlamasında "Politrus.com" saytının Ekspert Analitik Şəbəkəsinin rəhbəri Vitali Arkov deyib. O, Əliyevlə Putin arasında dostluq münasibətlərinin Azərbaycanın Rusiyanın dostu olmağa imkan verdiyini bildirib:

"Azərbaycan Rusiyanın strateji partnyordur və qalmaqda da davam edir. Moskva onun Cənubi Qafqazda liderliyini tanıyır. Əliyev və Putin arasında dostluq münasibətləri Azərbaycanı Rusiyanın dostu hesab etməyə əsas verir. Bununla bərabər, Bakı ilə Moskva arasında digər ortaq məqamlar da var. Bunlar sırasında islam radikalizmi ilə mübarizə aparmaq, Xəzər regionunda idarəçiliyin qorunması, dünya bazarında qazın qiymətinin müəyyənləşdirilməsi, rəngli inqilabların ixracının qarşısının alınması məsələləri yer alır. Azərbaycanın Avrasiya İttifaqına daxil olması Rusiya üçün maraqlıdır. Amma bu, bir nömrəli vəzifə deyil və Rusiya bu məsələdə təzyiq etməyəcək. Belə ki, partnyorluqdan daha çox nəticə önəmlidir. Həmçinin Azərbaycan üçün MDB razılıqları çərçivəsində böyük rus bazarı açıqdır. Azərbaycanda da Rusiya biznesi aktiv şəkildə fəaliyyət göstərir".