Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
18 Yanvar 2019


Türk diasporundan ermənilərə çağırış: Əl çəkin!

Ana səhifə Gündəm
12 Punto 14 Punto 16 Punto 18 Punto

Fransadakı erməni assosiasiyaları koordinasiya şurası Prezident Emmanuel Makrona müraciət edərək, Birinci Dünya müharibəsinin başa çatmasının 100 illiyinə həsr olunmuş tədbirə və bu münasibətlə keçiriləcək Paris Sülh Forumuna Türkiyəni dəvət etməmək kimi lüzumsuz polemikaya cəhd göstəriblər.

Axar.az xəbər verir ki, Fransadakı Türk assosiasiyaları bununla bağlı bəyanat yayaraq, erməni assosiasiyaları koordinasiya şurasını mənfur əməllərindən əl çəkməyə çağırıb.

Bəyanatda bildirilir ki, Fransada fəaliyyət göstərən Türk assosiasiyaları iki ölkə arasında qədim əlaqələrin möhkəmləndiyini alqışlayır, bir qrup insanın xalqlar arasında dialoq və sülhü pozmaq niyyəti ilə tarixi siyasi məqsədlər üçün alətə çevirməyin qəbuledilməz olduğunu vurğulayır. Fransa ilə Türkiyə arasında beynəlxalq terrorizmə qarşı mübarizə sahəsində möhkəm əməkdaşlıq mövcuddur və bu, fransızların təhlükəsizliyi üçün çox vacibdir. Ermənilərin Türkiyəyə və türklərə qarşı nifrət çağırışları 100 illiyi qeyd edilən tarixi günün ruhuna və dialoqa tamamilə ziddir.

Qeyd olunur ki, Türkiyə dövləti 2005-ci ildən bütün sənədlərə, eləcə də erməni arxivlərinə girişi olan beynəlxalq komissiyanın yaradılması təklifini irəli sürüb. Türkiyə əvvəlcədən bu komissiyanın işinin nəticələrindən asılı olmayaraq onunla razılaşacağını bildirir. Lakin bu təklif Ermənistan tərəfindən həmişə rədd edilir.

Avropa İnsan Haqları Məhkəməsi 2015-ci il oktyabrın 15-də Perincek və başqalarının işinə dair qərarında erməni məsələsi ilə bağlı söz azadlığına dair “heç bir beynəlxalq konsensus” olmadığını aydın göstərib.

Bəyanatda deyilir ki, Fransanın Konstitusiya Məhkəməsi 2017-ci il 26 yanvar tarixli qərarında heç bir fransız və ya beynəlxalq yurisdiksiyanın 1915-ci il hadisələrini “genosid” kimi qiymətləndirmədiyini xatırladıb.

Fransa-Türk assosiasiyaları xalqlar və onların rəhbərləri arasında davamlı sülhün təminatı üçün vacib olan dialoqu davam etdirməyi tövsiyə edir.

Qeyd edək ki, Fransa Prezidenti Emmanuel Makronun təşəbbüsü ilə Birinci Dünya müharibəsinin başa çatmasının 100 illiyinə həsr olunmuş tədbir və bu münasibətlə Paris Sülh Forumu keçiriləcək. Forumun əsas məqsədi dünyada sülhü möhkəmləndirmək üçün birgə düşünərək konkret təşəbbüslər irəli sürmək, multikulturalizm və müasir əməkdaşlığın yeni formalarını yaratmaq mesajı verməkdir. Beynəlxalq tədbirdə 80-dək dövlət və hökumət başçısının iştirakı gözlənilir.

Foruma Türkiyə Prezidenti Rəcəb Tayyib Ərdoğan da dəvət olunub.

Tarix
2018.11.11 / 01:45
Müəllif
Axar.az
Şərhlər
Загрузка...
Digər xəbərlər

Prezident fərmanı: sürücülər bundan sonra... - Ekspert

Bu xidmətlər hamısı ASAN-a verildi – Şərh

İlk dəfə idi ki, İran generalı Bakıda bu addımı atdı – Şərh

Prezident fərmanı: Hansı institutlar birləşir? - Ekspert

Baqirinin Bakı bəyanatı İrəvanda təlaş yaratdı

Bu məmurlardan maşınlar alınacaq - Fərman

Zamirənin 22 milyonluq əmlakı müsadirə edilə bilər

Rusiya razılıq verməyəcək: Türkiyə hücum edərsə... – Şərh

Bakının siyasəti: Artıq İran və Rusiya İrəvanla deyil…

Paşinyan Qarabağın həllinə hazırdırmı? - Açıqlama

KULT
<>
Xəbər xətti
 
Axar.az'da reklam Bağla
Reklam
Bize yazin Bağla