Ana səhifə Gündəm |
Azərbaycanın işğal olunmuş ərazilərində Ermənistan tərəfindən yaradılmış qondarma rejim üzrə "işçi qrup" yaradılması Avropa Parlamentinin 23 oktyabr 2013-cü il və 17 aprel 2014-cü il tarixli qətnamələrinə tamamilə ziddir.
Bunu APA-ya açıqlamasında Azərbaycan XİN-in sözçüsü Hikmət
Hacıyev bildirib. Onun sözlərinə görə, qeyd olunan sənədlərdə
Azərbaycan və bütün Şərq Tərəfdaşlığı ölkələrinin ərazi
bütövlüyünün birmənalı dəstəklənməsi ifadə olunduğu halda,
ermənipərəst deputatlar Frank Engel və Eleni Teokarus tərəfindən
"işçi qrup"un heç bir siyasi qüvvəsi yoxdur.
"Hər hansı rəsmi statusa malik olmayan, Ermənistan və erməni
diasporunun təsiri altında olan bu şəxslərin özfəaliyyəti
nəticəsində bu "işçi qrup"un yaradılması Avropa Parlamentinin
mövqeyi ilə ziddiyyət təşkil edir. Məsələ ilə əlaqədar Avropa
Parlamentinə sorğu ünvanlanıb. Avropa Parlamentindən KİV-ə verilən
məlumatda sözügedən məsələnin olsa-olsa Avropa Parlamenti daxili
qrup ("inter-group") ola biləcəyi ehtimal edilib. Beləliklə,
sözügedən "qrup"un Avropa parlamentində səsvermə yolu ilə
yaradılmadığı təsdiq olunub".
Bu fakt bir daha ona dəlalət edir ki, həmin "qrup" yalnız Avropa
Parlamentində Ermənistan və erməni diasporunun təsiri altında olan
bəzi şəxslərin özfəaliyyətinin nəticəsidir.
Tarix
2014.10.17 / 21:31
|
Müəllif
Axar.az
|