"Rusiya üçün Ermənistan hərbi-siyasi, Azərbaycan isə ticari-iqtisadi partnyordur".

Axar.az Regnum agentliyinə istinadən xəbər verir ki, bu açıqlama ilə rusiyalı politoloq Stanislav Tarasov çıxış edib. O, Bakının statusunun Moskvanın gözündə hələ də dəyişmədiyini deyib:

"Bu status Bakının müxtəlif istiqamətlərdə addımlarını aktivləşdirməklə onun xarici siyasətinin Moskva üçün heç bir təhdid təşkil etməməsini bildirməsinə baxmayaraq, dəyişmir. Qərblə münasibətlərin korlandığı bir dövrdə Rusiya özünün Zaqafqaziyada real mövqeyini müəyyənləşdirməli və milli maraqlara cavab verən qərarlar verməlidir. Əliyevlə Sərkisyanın Paris sammiti ərəfəsində regional və qlobal geopolitoloji dəyişilikləri müşahidə etmək mümkündür. Qarabağ konfliktində qarşılıqlı qərarın axtarılması yeni səylər və kifayət qədər davamı olan vaxt tələb edir".