Ana səhifə Gündəm |
1-2 noyabr 2014-cü il tarixlərində "British Council Azərbaycan" özünün növbəti "Education UK" təhsil sərgisini keçirəcək.
Sərgi təşkilatçılarının Axar.az-a verdiyi məlumata görə, bu payız sərgidə Birləşmiş Krallığın 43 aparıcı universiteti, ingilis dili kursu, kolleci və məktəbi iştirak edəcək. Sərginin əsas məqsədi tələbələrə akademik biliklərlə yanaşı, müstəqil düşünmə və yaradıcılıq imkanları verən Britaniya təhsil sisteminin geniş imkanlarını tanıtmaqdır. Təşkilatçılar bildirir ki, bu, Birləşmiş Krallığın yüksək reytinqli universitetlərinin, ən güclü kollec və məktəblərinin və ən yaxşı İngilis dili kurslarının Azərbaycandakı ən böyük sərgisidir. Sərgidə tələbələr müxtəlif təhsil pillələri üzrə tədris imkanları, təqaüd proqramları, distant təhsil barəsində məlumatlana, universitetlərə, məktəb və kolleclərə birbaşa ərizə qəbulu barədə məlumat ala, eləcə də təhsil müəssisələrinin nümayəndələri ilə məsləhətləşə biləcəklər.
Sərgi barədə daha ətraflı aşağıdakı linklərdən məlumat ala bilərlər.
www.educationuk.org/Azerbaijan
www.facebook.com/BritishCouncilAzerbaijan
www.facebook.com/EducationUK.BritishCouncil
Tarix
2014.10.20 / 16:34
|
Müəllif
Axar.az
|