Ana səhifə Gündəm |
"Qərb Azərbaycanın ərazi bütövlüyü çərçivəsində Dağlıq Qarabağ məsələsinin tezliklə həllində maraqlıdır".
Bu sözləri Axar.az-a açıqlamasında NATO Əməkdaşlıq İnstitutunun rəhbəri Fərrux Məmmədov söyləyib. O, prezidentlərin görüşünün mütləq olduğunu söyləyib:
"Bunun üçün Qərb bu gün aktiv fəaliyyət göstərir. Cənubi Qafqaz Qərbin yeni xəritəsində inkşaf etmiş və münaqişələrin olmadığı bir region olaraq mövcuddur. Hazırda prezidentlərin görüşləri hər hansı köklü bir dəyişikliyə səbəb olmasa da, görüşlərin intensiv olması mütləqdir. Qərb Cənubi Qafqazda 2018-ci ilə qədər siyasi mühiti tamamilə dəyişdirəcək. Bu dəyişiklik əsasən demokratiyanın inkişaf etdiyi, insan haqlarının qorunduğu və azad iqtisadi zonanın mövcud olduğu geniş bir anlayışdır. Məhz Azərbaycan Xarici İşlər nazirinin də "böyük sülh müqaviləsi" deməsi buna işarədir. Qərbin Cənubi Qafqaz layihəsi ilə bağlı hər üç region ölkəsi məlumatlıdır. Qərb bu regionda stabil və güclü dövlətlər görmək istəyir. Bunun üçün hazırda iş gedir. Sadəcə, Rusiya faktoru bu sülhün və həmin böyük layihənin önə çıxmasının qarşısını alır. Lakin mən düşünürəm ki, Rusiyanın nə istədyini baxmayaraq, Qərb bu böyük layihəni həyata keçirəcək".
Tarix
2014.10.21 / 09:15
|
Müəllif
İlkin Həsənov
|