"BAXCP-nin Avropa Parlamentinin Avropa Mühafizəkarları və İslahatçıları qrupuna üzlüyünə qəbulla bağlı danışıqlar aparılır".

Bu barədə Axar.az-a məlumatı BAXCP sədrinin İcitimai və siyasi məsələrə üzrə müavini Niyaməddin Orduxanlı verib. Onun sözlərinə görə, BAXCP sədri Qüdrət Həsənquliyev Avropa Parlamentinin Avropa Mühafizəkarları və İslahatçıları qrupunun rəhbərləri ilə görüşü keçirilib:

"Görüşdə əsas müzakirələrdən biri də BAXCP-nin qrupa üzvülüyü məsələsi idi. Bu yönümdə rəhbərliklə xeyli müzakirələr aparılıb. Hazırda bu qrupda Gürcüstandan Xristian-Demokrat Hərəkatı, Ermənistandan isə Çiçəklənən Ermənistan Partiyası təmsil olunur. Avropa Parlamentində qərarlar öncə qruplarda müzakirə edilir və qəbul olunur, daha sonra isə plenar iclasa çıxarılır. Buna görə də Avropa Parlamentinin qruplarında Azərbaycan partiyalarının təmsil olunması son dərəcə vacib məsələdir. Hazırda Azərbaycandan yalnız Yeni Azərbaycan Partiyası Avropa Parlamentinin ən böyük qrupu olan Avropa Xalq Pariyası qrupunda müşahidəçi statusu ilə təmsil olunur. Digər 6 qrupda isə Azərbaycanı heç bir siyasi təşkilat təmsil etmir. Bu baxımdan, Avropa Parlamentinin qruplarında təmsilçilik ölkəmiz üçün son dərəcədə önəmli bir məsələdir. Güman edirəm ki, BAXCP-nin qrupda təmsilçilik məsələsi müsbət həllini tapacaq. Bu, ölkəmiz üçün də önəmli olacaq".