"Kristal şadlıq sarayı heç bir şəhidin xatirəsinə həsr edilməyib. Sosial şəbəkədə yayılan məlumat yalandır. Foto həqiqət deyil, fotomantajdır".

Bu sözləri Axar.az-a "Kristal" şadlıq sarayının administratoru Amil Abdullayev sosial şəbəkədə yayılan sözügedən restoranın İlqar Abbasov adlı şəhidin xatirəsinə həsr edildiyini göstərən foto ilə bağlı danışarkən dedi. Onun sözlərinə görə, restoranın divarının üzərində onun yerləşdiyi küçənin adı qeyd edilib:

"Bundan başqa heç bir başqa məlumat yoxdur restoranın divarında. Şadlıq sarayı heç bir şəhidin adına həsr edilməyib. Yalan məlumatdır. Ayıbdır belə bir şey. Feysbukda paylaşılan fotodan isə məlumatımız yox idi, siz dedikdən sonra baxdıq. Foto həqiqi deyil, montajdır. Kimin hazırladığını isə bilmirik".

Qeyd edək ki, Feysbukda "Sancaq" səhifəsi bir foto paylaşıb. Fotoda "Kristal" şadlıq sarayının İlqar Abbasov adlı bir şəhidin xatirəsinə həsr edildiyi qeyd edilir.

Fotonu təqdim edirik.